Demokrat.az saytından verilən məlumata əsasən, ain.az məlumatı açıqlayır.
Müasir dövrdə vaxta və enerjiyə qənaət etmək istəyənlərin çoxu paltaryuyan maşında qısa proqramdan istifadə etməyi vərdişə çevirib. İlk baxışda rahat görünən bu seçim əslində gözlənilməz sağlamlıq riskləri yarada bilər. 15–30 dəqiqə çəkən sürətli yuma rejimi bəzi hallarda gigiyena baxımından kifayət etmir və paltarlar üzərində görünməyən təhlükə qalır.Demokrat.az xəbər verir ki, qısa proqramların əsas problemi suyun temperaturunun adətən 30 dərəcə ətrafında qalmasıdır. Araşdırmalar göstərir ki, paltarlardakı bakteriya və mikrobların tam məhv olması üçün suyun daha yüksək temperaturda olması vacibdir. Aşağı istilikdə yuyulan alt paltarları, dəsmallar və mətbəx bezlərində mikroorqanizmlər yaşamağa davam edə bilər.Digər problem isə durulama mərhələsi ilə bağlıdır. Sürətli proqramlarda bu proses qısa olduğu üçün yuyucu vasitələr liflərdən tam çıxmır. Parça üzərində qalan kimyəvi qalıqlar dəri ilə təmas etdikdə qaşıntı, qızartı və allergik reaksiyalar yarada bilər. Bu risk xüsusilə körpələr və həssas dərisi olan insanlar üçün daha böyük hesab olunur.Belə yuma üsulu texnikanın özünə də zərər verə bilər. Aşağı temperatur səbəbindən yuyucu toz və yumşaldıcılar tam həll olunmur və zamanla maşının daxili hissələrində, borularında və barabanın kənarlarında qat əmələ gətirir. Bu çöküntülər həm xoşagəlməz qoxuya səbəb olur, həm də cihazın iş keyfiyyətini zəiflədir.Gigiyenanı qorumaq üçün bəzi sadə qaydalara əməl etmək məsləhətdir. Alt paltarları, mələfələr və dəsmallar ən azı 60 dərəcə temperaturda yuyulmalıdır. Gündəlik geyimlər üçün isə çirklənmə səviyyəsinə uyğun standart proqramlardan istifadə etmək daha təhlükəsiz sayılır. Bundan əlavə, paltaryuyan maşını ayda bir dəfə boş halda 90 dərəcə temperaturda işlətmək daxildə yığılan bakteriyaların və qalıqların təmizlənməsinə kömək edir.Aytən
Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
