Qızılı sarı rəngi ilə yeməklərə həm rəng, həm də ləzzət qatan sarıkök, dəzgahlarda, plastik mətbəx əşyalarında, geyimlərdə və bir çox digər səthlərdə iz buraxa bilər.
Medicina.az xəbər verir ki, sarıkök mətbəxdə tez-tez istifadə edilən və sağlamlıq üçün olduqca faydalı bir ədviyyatdır.
Lakin, yüksək piqmentli quruluşuna görə təmasda olduğu səthlərdə qalıcı ləkələr buraxa bilər.
Sarıkök ləkələrini, xüsusən də dəzgahlarda, plastik qablarda, kəsmə lövhələrində və ya geyimlərdə təmizləmək çox vaxt çətindir.
Sarıkök ləkələrini təmizləməyin ən təsirli təbii yollarından biri çörək sodası və sirkə qarışığından istifadə etməkdir.
Əvvəlcə ləkələnmiş yerə bir az soda səpin. Sonra bir neçə damcı ağ sirkə əlavə edin. Qarışım köpüklənməyə başladıqdan sonra ləkələnmiş sahəni yumşaq süngər və ya parça ilə yumşaq bir şəkildə ovuşdurun.
Sonra günəşli bir yerə qurumağa qoyun.
Zamanla sarıkök ləkəsinin yox olduğunu görəcəksiniz.
Aygün
Medicina.az
