Amerikalı bloqer və boksçu Ceyk Pol 2026-cı il Qış Olimpiya Oyunlarında möhtəşəm çıxış edən nişanlısı Yutta Lerdamı özünəməxsus şəkildə təbrik edib.
Publika.az xəbər verir ki, triumfundan sonra o, nişanlısına təxminən 500 min dollar dəyərində olan dəbdəbəli "Bentley Brabus G-Class" yolsuzluq avtomobili hədiyyə edib. Pol hədiyyənin təqdim olunmasını əks etdirən videonu öz "İnstaqram" hesabında paylaşıb və ona zarafatla belə bir qeyd yazıb:
"Kraliçam üçün yalnız ən yaxşısı. O, qızıl və gümüş üçün çox çalışdı, buna görə də mən ona bürünc "G-Wagon" hədiyyə etdim".
Xatırladaq ki, Lerdam 1000 metr məsafəyə sürətli konkisürmədə Olimpiya çempionu olub və 500 metr məsafəyə yarışda isə gümüş medal qazanıb.
Pol və Lerdam 2023-cü ildən münasibətdədir. Cütlük 2025-ci ilin martında nişanlandıqlarını açıqlayıb.
