Azvision portalından alınan məlumata görə, ain.az xəbər verir.
AzVision.az xəbər verir ki, “Bloomberg” agentliyinin məlumatına görə, ABŞ qüvvələri İranın zərbələrinin qarşısını almaq üçün bahalı raket tutucularından fəal şəkildə istifadə etmək məcburiyyətində qalıblar. Pentaqonun hücumların 80% azalması iddialarına baxmayaraq, Tehran Yaxın Şərqdəki hərbi hədəflərə və enerji infrastrukturuna zərbələr endirməyə davam etdirir və neft qiymətlərini Qərb üçün əlverişsiz səviyyələrə qaldırmağa çalışır. Eyni zamanda, İran daxilindəki zenit raketləri ABŞ-nin hava üstünlüyünü məhdudlaşdırır. “İran illərdir ki, raket və dron arsenalını artırır, onları ölkə daxilində yerləşdirir və kənar nəzarətdən gizlədir. Tehranın ballistik raketləri ABŞ-nin bölgədəki müttəfiqlərinin müdafiəsini yarır, ucuz “Şahed” dronları isə amerikalıları və onların tərəfdaşlarını daha bahalı hədəflər üçün nəzərdə tutulmuş bahalı hava hücumundan müdafiə (HHM) sistemlərini işə salmağa məcbur edir”, - agentlik yazır. Bununla belə, ABŞ rəsmiləri İranın qarşıdurmada qalib gələ bilməyəcəyini düşünürlər. Lakin agentlik Tehranın mülki şəxslərə, hərbi bazalara və neft infrastrukturuna qarşı gündəlik silah təhdidləri Ağ Evə siyasi təzyiqi artırır. Münaqişədən əvvəl İranın təxminən 2000 kilometrlik məsafəni qət edə biləcək 2500 ballistik raketi var idi. - Bu arsenal həftələr ərzində tükənə bilər, lakin “Şahed” dronlarının hücumları demək olar ki, qeyri-müəyyən müddətə davam edə bilər: onların buraxılış infrastrukturu mürəkkəb deyil və istehsalı ballistik raketlərdən daha asandır”, - “Bloomberg” vurğulayır. Qərbdə analoqu olmayan İran zenit raketləri Amerika təyyarələri üçün xüsusi təhlükə yaradır. Onlar infraqırmızı istiqamətləndirici başlıqlarla təchiz olunub və radarlardan istifadə etmir, buna görə də onların buraxılmasından əvvəl təyyarələr heç bir xəbərdarlıq almır. Məhz bu sistemlər ABŞ-nin İranın hava məkanı üzərində tam nəzarəti ələ keçirməsinə mane olur. Hava üstünlüyü qazana bilmədiyi üçün ABŞ getdikcə bahalı uzaqmənzilli raketlərdən istifadə etməyə məcbur oldu. “Bloomberg” agentliyinin məlumatına görə, münaqişənin ilk 100 saatında Amerikanın bir neçə yüz “Tomahawk” raketi məhv edilib. ABŞ üçün problem bu cür sursatların istehsalının son dərəcə məhdud olmasıdır. “The New York Times” nəşri, öz növbəsində, İranın ucuz dronlarının ABŞ və müttəfiq ordusunun bahalı raket ehtiyatlarını tükəndirdiyini bildirib. “Şahed-136” dronlarının hər birinin dəyəri 20-50 min dollardır, bir “Patriot” zenit raketi isə 3 milyon dollardan da bahadır. Amerikalı məmurlar isə İranla müharibənin ilk həftəsinin ABŞ-yə təxminən 6 milyard dollara başa gəldiyini iddia edirlər. ABŞ Mərkəzi Komandanlığının (CENTCOM) məlumatına görə, İran münaqişənin ilk beş günündə 500-dən çox ballistik raket və 2000-dən çox dron atıb. Sahil İsgəndərov
AzVision.az
Sonrakı hadisələr barədə daha çox məlumat almaq üçün ain.az saytını izləyin.
