İsrail Müdafiə Qüvvələri (IDF) cümə axşamı günü İrandakı “Taleqan” nüvə mərkəzinə zərbə endirdiyini açıqlayıb.
Yeniavaz.com xəbər verir ki, bu barədə IDF-in mətbuat xidməti məlumat yayıb.
“Son günlər Tehranda həyata keçirilən bir sıra zərbələrin tərkib hissəsi olaraq, dəqiq kəşfiyyat məlumatlarına əsasən hərəkət edən İsrail Hərbi Hava Qüvvələri İranın nüvə proqramının əlavə bir ərazisinə zərbə endirib”, - məlumatda qeyd edilib.
İsrail hərbçilər iddia edirlər ki, hücuma məruz qalan “Taleqan” kompleksi İran tərəfindən mühüm nüvə silahı imkanlarını inkişaf etdirmək üçün istifadə edilib.
