Küveyt Ramazan bayramı zamanı teatr tamaşalarını, konsertləri və toyları növbəti xəbərdarlığa qədər qadağan edəcək.
Ölkə.Az xəbər verir ki, bu barədə Küveyt Daxili İşlər Nazirliyinin X-də dərc olunmuş açıqlamasında bildirilib.
Nazirlik qərarın profilaktik xarakter daşıdığını və böyük toplantıların azaldılmasına, eləcə də mövcud vəziyyətdə təhlükəsizlik tədbirlərinin və fövqəladə hallara hazırlığın gücləndirilməsinə yönəldiyini izah edib.
Nazirlik vətəndaşları təlimatlara ciddi şəkildə əməl etməyə və səlahiyyətli qurumlarla əməkdaşlıq etməyə çağırır və onlara qayda pozuntularının hüquqi məsuliyyətə səbəb olacağını xatırladır. Tədbirlərin əsas məqsədi ictimai təhlükəsizliyi təmin etmək və sosial sabitliyi qorumaqdır.
