Ahıl şəxslər üçün sosial xidmət müəssisəsində bayram tədbiri təşkil olundu - FOTO

Azərbaycan Respublikasının Mədəniyyət Nazirliyi, Mədəniyyət İşçiləri Həmkarlar İttifaqı və Bakı Xoreoqrafiya Akademiyasının birgə təşkilatçılığı ilə Novruz bayramı ərəfəsində Ahıl şəxslər üçün sosial xidmət müəssisəsində tədbir keçirilib.

Redaktor.az xəbər verir ki, tədbirin məqsədi müəssisədə yaşayan sakinlərin sosial fəallığının artırılması, mədəni tədbirlərdə iştirakının təmin edilməsi və onlarla bayram ab-havasının paylaşılması olub. 

Tədbir çərçivəsində Bakı Xoreoqrafiya Akademiyasının müəllim və tələbələri tərəfindən konsert proqramı təqdim olunub. Proqramda müxtəlif rəqs nömrələri və musiqi ifaları nümayiş etdirilib.

Görüş zamanı müəssisənin sakinlərinə bayram sovqatları da təqdim edilib.

Ahıl sakinlər göstərilən qayğıya və maraqlı bədii proqrama görə minnətdarlıqlarını bildiriblər.