Türkiyəli model Ayşegül Eraslan İstanbulun Kağıthane rayonundakı evində ölü tapılıb.
“Cebheinfo.az” bu barədə “haberler”-ə istinadən xəbər verir.
Media xəbərlərinə görə, model ölümündən bir müddət əvvəl sosial mediada bir neçə narahatedici mesaj paylaşıb. Birində o, danışa bilmədiyi şeylər olduğunu yazıb, lakin "yaxşı insan olduğunu və heç kimə zərər vermədiyini" vurğulayıb.
Qohumları uzun müddət onunla əlaqə saxlaya bilmədikdən sonra narahat olmağa başlayıblar. Onlar evə gediblər və daha sonra polisə müraciət ediblər. Hüquq-mühafizə orqanlarının əməkdaşları mənzilə girəndə qadını huşsuz və asılmış vəziyyətdə tapıblar.
