Rusiya və Çin İrana hərbi əməkdaşlıq da daxil olmaqla müxtəlif növ yardımlar göstərir.
“Politico”nun məlumatına görə, bu barədə İranın xarici işlər naziri Abbas Əraqçi məlumat verib.
Əraqçinin sözlərinə görə, Rusiya və Çin Tehranın ABŞ və İsraillə qarşıdurmasında strateji tərəfdaşlarıdır.
Nazir qeyd etdi: “Keçmişdə sıx əməkdaşlığımız olub və bu gün də davam edir, o cümlədən hərbi əməkdaşlıq.” O, həmçinin əlavə etdi ki, İran hər iki ölkə ilə siyasi, iqtisadi və hərbi səviyyələrdə yaxşı münasibətlər saxlayır.
Əraqçi həmçinin dünya neft və qaz ehtiyatlarının təxminən beşdə birinin keçdiyi Hörmüz boğazındakı vəziyyətə də münasibət bildirib. O, boğazın yalnız ABŞ, İsrail və onların müttəfiqlərinin gəmiləri və tankerləri üçün bağlı olduğunu, keçidin isə bütün digər gəmilər üçün açıq qaldığını vurğulayıb.
