Krujeva ətəklər qadın zərifliyini ön plana çıxaran və həm gündəlik, həm də xüsusi günlər üçün uyğun olan dəbli geyimlərdən sayılır. Uyğun geyimlərlə kombin edildikdə həm rahat, həm də şık görünüş yaratmaq mümkündür.
Pravda.az bildirir ki, gündəlik stil üçün krujeva ətəyi sadə köynək və ya crop-top ilə kombin etmək tövsiyə olunur. Üstündən cins gödəkçə və ya rahat kardiqan əlavə edərək daha rahat görünüş əldə etmək olar.
Ofis üslubunda isə midi uzunluqlu krujeva ətəyi düz rəngli köynək və hündürdaban ayaqqabı ilə birləşdirmək zərif və peşəkar görünüş yaradır. Açıq və pastel tonlar krujeva detalları daha çox ön plana çıxarır.
Xüsusi dəvətlər və gecə tədbirləri üçün krujeva ətək saten və ya V yaxalı köynəklə kombin edilə bilər. Stiletto və ya incə qayışlı sandaletlər bu görünüşü tamamlayır.
Krujeva artıq özü diqqət çəkən material olduğuna görə aksesuarlarda sadəlik seçmək daha yaxşıdır. Minimal sırğa, incə bilərzik və kiçik çanta kombin üçün ideal hesab olunur.
Əminə Bayramova
