Bağdadın mərkəzində yaşayış binasına raket hücumu nəticəsində ən azı dörd nəfər ölüb, iki nəfər yaralanıb.
QHT.az xəbər verir ki, təhlükəsizlik mənbələrinin məlumatına görə, ölənlərin sayı qəti deyil. İlkin məlumata görə, hücum zamanı binada adı açıqlanmayan "silahlı qrupların" üzvləri, eləcə də portalın məlumatına görə, bir neçə İran vətəndaşı olub.
Xatırladaq ki, daha əvvəl "Əl-Hadath TV" Bağdadın mərkəzi rayonlarından birində vurulan evin "Əl-Həşd əş-Şabi" şiə milis qrupunun üzvlərinə məxsus olduğunu bildirmişdi.
R.İmanov
