Bu ilin əvvəlində Bundesverdə (Almaniya Silahlı Qüvvələri) xidmət üçün müraciətlərin sayı, eləcə də onun şəxsi heyətinin sayı əvvəlki ilə nisbətən xeyli çox olub.
Herbiand.az xəbər verir ki, bu məlumatlar Almaniya Müdafiə Nazirliyi tərəfindən 17 mart çərşənbə axşamı günü açıqlanıb.
Fevral ayının sonuna qədər Almaniyada 16.100 kişi və qadın Bundesverə qoşulmaq üçün müraciət edib. Bu, 2025-ci ilin eyni göstəricilərindən 20 faiz çoxdur. Eyni dövrdə yeni çağırılanların və hərbi qulluqçuların sayı ötən ilki səviyyəni 14 faiz üstələyərək 5.300 nəfərə çatıb.
