Agsuda iki evdə yanğın baş verib.
"Unikal" xəbər verir ki, ötən gün axşam saatlarında Ağsu rayonunun Daşdəmirbəyli kəndində, 1959-cu il təvəllüdlü Cəbrayılov Rauf Zeyvər oğluna məxsus fərdi yaşayış evində yanğın baş verib. Yanğın yerinə FHN əməkdaşları və yanğınsöndürən texnikaları cəlb olunub. Yanğın zamanı ümumi sahəsi 144 kv/m olan yaşayış evinin çardaq hissəsi tamamilə yanıb.
Bundan başqa, gecə saatlarında Ağsu şəhər N.Tağızadə küçəsində 1961-ci il təvəllüdlü Qasımov Durasan İsmayıl oğluna məxsus fərdi yaşayış evində yanğın baş verib. Əraziyə yanğınsöndürənlər cəlb olunub. Hadisə zamanı ümumi sahəsi 100 kv/m olan yaşayış evinin 100 kv/m çardaq hissəsi tamamilə yanıb. Evin qalan hissəsi yanğından mühafizə olunub.
Seymur Əli
