İspaniyanın "Barselona" klubu "Atletiko Madrid"in hücumçusu Xulian Alvaresi transfer edə bilməsə, diqqətini Viktor Osimhenə yönəldəcək.
Fanat.Az "Mundo Deportivo" qəzetinə istinadən xəbər verir ki, Kataloniya təmsilçisi nigeriyalı hücumçunu hücum xəttini gücləndirmək üçün əsas alternativ variant hesab edir.
Klub rəhbərliyi Osimhenin transfer şərtlərini araşdırmağa başlayıb.
Viktor Osimhenin transferi üçün "Qalatasaray"ın təxminən 100 milyon avro tələb etdiyi bildirilir.
"Barselona" isə maliyyə vəziyyətinə uyğun olaraq transfer planlarını tənzimləməyə çalışır.
