ABŞ Prezidenti Donald Tramp İranın enerji obyektlərinin məhv edilməsi müddətini aprelin 6-sı Vaşinqton vaxtilə saat 20:00-a (Bakı vaxtı ilə 7 aprel saat 04:00 – red.) qədər - daha 10 gün təxirə saldığını açıqlayıb.
Senzor.az bildirir ki, bu barədə ABŞ Prezidenti “Truth” sosial mediasında yazıb.
O bildirib ki, danışıqlar davam edir və əksini iddia edənlərə baxmayaraq, çox yaxşı gedir.
Xatırladaq ki, ABŞ Prezidenti martın 23-də hərbçilərə İranın enerji infrastrukturuna zərbələri beş gün müddətinə təxirə salmağı tapşırdığını bildirmişdi. Ağ Ev rəhbəri onda da Vaşinqton və Tehranın hərbi əməliyyatların dayandırılması ilə bağlı "çox yaxşı və məhsuldar danışıqlar" apardıqlarını bəyan etmişdi.
