ABŞ Ordusunun elit 82-ci Hava-Desant Diviziyasından minlərlə əsgər Yaxın Şərqə gəlməyə başlayıb...
Poliqon xəbər verur ki, bu barədə Reuters-ə iki ABŞ rəsmisi məlumat verib.
Bu, ABŞ prezidenti Donald Trampın İrana qarşı müharibədə növbəti addımlarını düşündüyü bir vaxta təsadüf edir. Şimali Karolina ştatının Fort Braqq şəhərində yerləşən paraşütçülər bölgəyə göndərilən minlərlə əlavə dənizçi, dəniz piyadası və xüsusi əməliyyat qüvvələrinə qoşulacaqlar. Həftə sonu Yaxın Şərqə təxminən 2500 dəniz piyadası gəlib.
Anonimlik şərti ilə jurnalistlərə danışan rəsmilər qoşunların harada yerləşdiriləcəyini dəqiqləşdirməsələr də, bu addımın atılması gözlənilirdi.
"Əlavə qoşunlara 82-ci Hava-Desant Diviziyasının qərargah bölmələri, bəzi logistika və digər dəstək bölmələri və bir döyüş briqadası daxildir. İrana qoşun göndərmək qərarı hələ verilməyib, lakin onlar bölgədə mümkün gələcək əməliyyatlar üçün potensial yaradacaqlar", deyə Reuters rəsmilərdən birinin sözlərinə istinadən bildirib.
Qeyd olunur ki, bu cür qoşunlar İranla müharibədə bir neçə məqsəd üçün, o cümlədən İranın neft ixracının 90%-nin mərkəzi olan Xarq adasını ələ keçirmək cəhdi üçün cəlb edilə bilər.
Nəşr vurğulayıb ki, Amerika ictimaiyyətinin İrandakı kampaniyaya aşağı dəstəyi və ABŞ prezidentinin ölkəni Yaxın Şərqdə yeni münaqişələrə cəlb etməmək üçün öz seçki vədləri nəzərə alınmaqla, Amerika quru qüvvələrindən hər hansı bir istifadə Tramp üçün ciddi siyasi risklər yarada bilər.
Poliqon.info
