Avropa İttifaqında təbii qazın qiyməti ABŞ və İsrailin İrana qarşı əməliyyatından sonra 70%, neftin qiyməti isə 60% artıb. Bu barədə Aİ-nin energetika üzrə komissarı Dan Yörgensen bildirib. Enerji resurslarının alınması üçün Aİ-nin əlavə xərcləri 14 milyard avroya çatıb.
“Avropada neft və qaz qiymətləri yaxın gələcəkdə əvvəlki səviyyəyə qayıtmayacaq, hətta sabah İranla sülh sazişi imzalansa belə. Çünki regionun infrastrukturu dağılıb”, — deyə Yörgensen bildirib. Avrokomissar Aİ ölkələrini koordinasiyalı fəaliyyətə və alternativ enerji mənbələrinə keçidin sürətləndirilməsinə çağırıb.
İranın Hörmüz boğazından gəmiçiliyi məhdudlaşdırması enerji təchizatında fasilələrə və qiymət artımına səbəb olub. Aİ hökumətlərinə enerji bazarlarında uzunmüddətli dalğalanmalara hazırlaşmaq və yanacaq istehlakını artıra və ya neft emalının səmərəliliyini azalda biləcək qərarlardan çəkinmək tövsiyə olunub.
