ain.az, Bakivaxti portalından verilən məlumatlara əsaslanaraq xəbər verir.
Aprelin 2-də Azərbaycan paytaxtında Türk Dövlətləri Təşkilatına (TDT) üzv dövlətlərin hökumət başçıları və vitse‑prezidentlərinin ikinci rəsmi görüşü keçiriləcək.
Bakıvaxtı.az xəbər verir ki, görüş yüksək siyasi və strateji əhəmiyyət daşıyır - TDT ölkələri arasında əməkdaşlığın dərinləşdirilməsi, regional inteqrasiya və gündəmə gələn qlobal çağırışlara qarşı birgə həll yollarının müəyyənləşdirilməsi əsas müzakirə mövzularından olacaq.
Ötən il bu cür ilk görüş Qırğızıstanın paytaxtı Bişkekdə baş tutmuş və iştirakçılar arasında qarşılıqlı iqtisadi, nəqliyyat‑logistika və siyasi dialoq məsələlərinin müzakirəsi aparılmışdı.
Bu dəfə isə Bakı görüşü yalnız texniki‑iqtisadi əməkdaşlıqdan daha da irəli gedərək TDT çərçivəsində strateji gündəlik məsələlərinə - regional təhlükəsizlik, təchizat zəncirləri, rəqəmsal və enerji infrastrukturları, eləcə də mədəni‑insani əlaqələrin gücləndirilməsinə hədəflənib.
Azərbaycanın TDT ilə münasibətləri uzunmüddətli və çoxşaxəlidir - ölkə bu təşkilatı strateji tərəfdaşlıq çərçivəsi kimi dəyərləndirir və onun fəaliyyətini regional birliyi möhkəmləndirən, siyasi və iqtisadi əlaqələri dərinləşdirən mühüm platforma hesab edir.
Bakı görüşü həm də Türk dünyasının qarşılıqlı dövlətçilik, iqtisadi və təhlükəsizlik baxımdan gələcək gündəliklərini formalaşdırmaq baxımından əhəmiyyətlidir. Bu platforma üzv dövlətlərin təkcə qardaşlıq əlaqələrinə deyil, həm də bütünlükdə Avrasiya məkanında sülh, sabitlik və refahın təmin olunmasına töhfə verməyi hədəfləyir.
Əli Hüseynov
Hadisənin gedişatını izləmək üçün ain.az saytında ən son yeniliklərə baxın.
