Quşların mühafizəsinə və onların yaşayış mühitinin qorunmasına diqqət çəkmək məqsədi ilə hər il 1 aprel tarixi Beynəlxalq Quşlar Günü kimi qeyd olunur. Bu gün 1906-cı ildə Quşların Mühafizəsi üzrə Beynəlxalq Konvensiyanın imzalanması ilə əlaqədar təsis olunub.
Quşlar sadəcə təbiətin bir hissəsi deyil, ekosistemin tarazlığını qoruyan canlılardır. Beynəlxalq Quşlar Günü insanların quşların ekosistemlərdəki mühüm rolunu daha yaxşı anlamasına, biomüxtəlifliyin qorunmasına və təbiətə daha məsuliyyətli yanaşmasına çağırış edir.
