Hurriyyet saytından verilən məlumata əsasən, ain.az məlumatı açıqlayır.
ABŞ-ın müdafiə naziri (Pentaqon rəhbəri) Pit Heqset rəsmi Vaşinqtonun İrana qarşı hərbi planları ilə bağlı kəskin və düşündürücü bəyanatlarla çıxış edib.Musavat.com xəbər verir ki, Heqset ABŞ ordusunun İrana qarşı mümkün yerüstü əməliyyatlara tam hazır olduğunu və bu istiqamətdə müxtəlif hərbi ssenarilərin masada dayandığını vurğulayıb.
Nazirin sözlərinə görə, ABŞ Silahlı Qüvvələri yerüstü qüvvələrin tətbiqi də daxil olmaqla, genişmiqyaslı fəaliyyət planlarına malikdir və zərurət yarandığı təqdirdə bu planlar dərhal icra edilə bilər. Heqset qeyd edib ki, Pentaqon istənilən inkişaf variantına hazırlıqlıdır və hərbi qüvvələrin tətbiqi mexanizmləri artıq nəzərdən keçirilib.
Bununla belə, Pentaqon rəhbəri Vaşinqtonun bu variantlara mütləq əl atacağı ilə bağlı qəti hökm verməkdən yayınıb. O, ABŞ-ın hazırkı strategiyasının əsasını "proqnozlaşdırıla bilməzlik" və "qeyri-müəyyənlik" təşkil etdiyini bildirib. Heqsetin fikrincə, rəqib tərəf ABŞ-ın növbəti addımının nə olacağını bilməməlidir:
"Əsas strategiyamız rəqib üçün qeyri-müəyyənliyi qoruyub saxlamaqdır. Biz hər an hərəkətə keçə bilərik, lakin bu variantlardan istifadə edib-etməyəcəyimiz bizim qərarımızdan asılı olacaq".
Qeyd olunur ki, Heqsetin bu çıxışı İranın strateji obyektlərinə edilən hücumlar fonunda Tehrana yönəlmiş birbaşa psixoloji təzyiq və "strateji çəkindirmə" xarakteri daşıyır. Vaşinqtonun yerüstü əməliyyat ehtimalını açıq şəkildə dilə gətirməsi regionda hərbi gərginliyin yeni və daha təhlükəli mərhələyə qədəm qoyduğundan xəbər verir.
Sonrakı hadisələr barədə daha çox məlumat almaq üçün ain.az saytını izləyin.
