Müəllif: Tamara Mustafayeva, Banco.az
Ən varlı insanların 3,55 trilyon dollarlıq sərvəti vergiyə cəlb edilmir.
Banco.azxəbər verir ki, “Oxfam” yardım təşkilatının yeni dərc olunmuş təhlilinə görə, varlıların vergiyə cəlb olunmamış gəlirləri 3,55 trilyon ABŞ dollarına çatıb.
Ən varlı 0,1 faizlik təbəqənin xaricdə gizlətdiyi və vergiyə cəlb olunmayan sərvət, dünya əhalisinin ən kasıb yarısının ümumi sərvətini üstələyir.
“Panama Sənədləri”nin 10 illiyi ərəfəsində yayımlanan “Oxfam”ın yeni təhlilinə əsasən, ən varlı 0,1 faizlik qrupun vergidən yayınaraq xarici ölkələrdə saxladığı sərvətin həcmi, bəşəriyyətin ən yoxsul yarısının (4,1 milyard insan) ümumi sərvətindən daha çoxdur.
Nəticələr göstərir ki, on il keçməsinə baxmayaraq, super varlılar vergidən yayınmaq və aktivlərini gizlətmək üçün hələ də xarici maliyyə sistemlərindən istifadə edirlər. Bu isə ifrat sərvətin vergiyə cəlb olunması və vergi cənnətlərindən istifadənin qarşısının alınması üçün beynəlxalq səviyyədə əlaqələndirilmiş tədbirlərə təcili ehtiyac olduğunu bir daha vurğulayır.
Bizi sosial şəbəkələrdən izləyin!!
