Azərbaycan Premyer Liqasında klub sayının artırılması müzakirə mövzusu ola bilər.
İdmanxeber.az-ın məlumatına görə, bu barədə AFFA-nın prezidenti Rövşən Nəcəf mətbuat konfransında deyib. O bildirib ki, bunun üçün əvvəlcə infrastrukturu hazır etmək lazımdır.
AFFA prezidenti bu mövzunun İcraiyyə Komitəsində müzakirə olunacağını deyib:
“Hazırda bu məsələni uzun müddətdir müzakirə edirik. İcraiyyə Komitəsinin növbəti iclaslarından birində bununla bağlı müvafiq qərarların verilməsi nəzərdə tutulur”
Qeyd edək ki, hazırda Azərbaycan Premyer Liqasında 12 komanda mübarizə aparır.
