ABŞ-İsrail və İran arasındakı müharibə səbəbindən neft tədarükündə yaranan kəsintilər Avropa İttifaqı (Aİ) ölkələrində xüsusilə dizel qiymətlərini son bir ayda 30,2% artırıb.
AFN.az xəbər verir ki, Aİ Komissiyası yanacaq qiymətləri ilə bağlı həftəlik məlumatlarını yayımlayıb.
28 fevralda başlayan müharibədən sonra strateji əhəmiyyətli Hörmüz boğazında ticarətin dayanma nöqtəsinə gəlməsi neft qiymətlərini sürətlə artırıb. 30 mart tarixinə olan son yeniləməyə əsasən, Aİ üzrə benzinin orta litr qiyməti 1,87 avroya, dizelin qiyməti isə 2,07 avroya yüksəlib.
Qiymət artımı aparıcı Avropa ölkələrində daha kəskin hiss olunub. Almaniyada dizel 32,4% artımla 2,29 avroya, Fransada isə 32,7% artımla 2,19 avroya çatıb. İtaliya və İspaniyada da bənzər artım tendensiyası müşahidə edilir.
Ekspertlər bildirirlər ki, Yaxın Şərqdə gərginlik davam etdikcə, Avropadakı yanacaqdoldurma məntəqələrində qiymət artımının qaçılmaz olacağı gözlənilir.
Hazırda Aİ ölkələri enerji asılılığını azaltmaq üçün alternativ yollar axtarır.
