İsrail Baş naziri Benyamin Netanyahu İran üzərində vurulan "F-15E" təyyarəsinin ikinci heyət üzvünün xilasetmə əməliyyatının başa çatmasından sonra
ABŞ Prezidenti Donald Trampla danışdığını bildirib.
Moderator.az bu haqda İsrail mediasına istinadla xəbər verir.
Netanyahu Trampı təbrik etdiyini və İsrailin Amerika hərbçisinin xilas edilməsinə töhfə verməkdən qürur duyduğunu bildirib.
Bəyanatın dərc olunmuş transkriptlərinə görə, Netanyahu Trampa deyib: "Təbrik edirəm, Prezident Tramp. Bütün israillilər Amerikanın qorxmaz döyüşçüləri tərəfindən cəsur bir Amerika pilotunun inanılmaz şəkildə xilas edilməsinə sevinir". Söhbət ABŞ-ın ikinci "F-15E" heyət üzvünün İrandan uğurla təxliyə edildiyini elan etməsindən qısa müddət sonra baş tutub.
S.Laçın
