Bu həftə Rusiya Ukraynaya tammiqyaslı işğalının başlanğıcından bəri üçüncü dəfə Luqansk bölgəsini tamamilə işğal etdiyini elan etdi. Lakin, Rusiya bölgənin böyük bir hissəsini nəzarətdə saxlasa da, hələ də onu tamamilə ələ keçirməyib.
Herbiand.az bildirir ki, bu barədə CNN yazıb.
Müharibə Tədqiqatları İnstitutunun (ISW) məlumatına görə, 2026-cı ilin ilk üç ayında Rusiya qoşunlarının Ukraynadakı gündəlik irəliləmə sürəti 2025-ci ilin birinci rübündəki 11 kilometrdən 5 kilometrə qədər azalıb. Üstəlik, Ukrayna Müdafiə Qüvvələri bəzi ərazilərdə irəliləyiş əldə edib.
“Cəbhə xətti son altı ayda demək olar ki, yerindən tərpənməyib. Bu, onların tərəfindən bir növ 1 aprel zarafatına bənzəyir”, - Birgə Qüvvələr Qrupunun sözçüsü Viktor Trequbov telemarafonun efirində deyib.
Bundan əlavə, Ukrayna Quru Qoşunlarının 3-cü ordu korpusundan jurnalistlərə bildirilib ki, ruslar bu yaxınlarda Luqansk vilayətinin ələ keçirilməsini başa çatdırmaq üçün iki kəndə 144 uğursuz cəhd ediblər.
ISW izah edib ki, Kremlin Luqansk vilayətinin tamamilə ələ keçirilməsi iddiaları Rusiya qoşunlarının cəbhənin müxtəlif sektorlarında sürətlə irəlilədiyi barədə yalan təəssürat yaratmaq məqsədi daşıyır.
Bəxtiyar CƏFƏRLİ
