Ukrayna Prezidenti Vladimir Zelenski bildirib ki, Rusiya ilə üçtərəfli danışıqlar bu günə təxirə salınıb. O bildirib ki, ABŞ hazırda Yaxın Şərqə daha çox diqqət yetirir. Bununla belə, o, prosesin yenidən başlayacağını da vurğulayıb.
Herbiand.az xəbər verir ki, bunu Ukrayna lideri “Rai” telekanalına müsahibəsində bildirib.
"Mən Putinlə görüşməyə hazıram. Əlbəttə ki, Moskvada və ya Kiyevdə yox. Amma əgər o, mənimlə görüşməyə hazırdırsa, bir çox yer var. Yaxın Şərqdə, Avropada, ABŞ-da - istənilən yerdə bir seçim edə bilərik”.
Donbasla bağlı Zelenski bunları bildirib:
"Donbasın verilməsini sadəcə müzakirə edə bilmərik. Əgər Donbası ruslara təhvil versək, onlar heç bir itki vermədən ən müdafiə edilə bilən mövqelərimizi tutacaqlar. Yeni istehkamların tikintisi bir il və ya bir il yarım çəkə bilər. Onlar Xarkova və ÜDM-ə əhəmiyyətli dərəcədə töhfə verən digər şəhərlərə hücum edə biləcəklər. Bu, cəmiyyətdə parçalanmaya səbəb olacaq. Putinin əsas məqsədi müstəqilliyimizin məhvidir".
