Böyük Britaniyada aparılan son sorğu ABŞ-ın qlobal rolu ilə bağlı ictimai rəydə ciddi dəyişiklik olduğunu göstərir.
Musavat.com xəbər verir ki, bu barədə Politico məlumat yayıb.
Məlumata görə, Public First şirkətinin keçirdiyi sorğuda britaniyalıların 53%-i ABŞ-ın dünya səhnəsində mənfi rol oynadığını düşünür. Halbuki, İranla münaqişə başlamazdan əvvəl bu göstərici cəmi 35% idi.
Sorğu iştirakçılarının yalnız 29%-i ABŞ-ın rolunu müsbət qiymətləndirib. 2025-ci ilin dekabrında bu rəqəm 41% təşkil edirdi. Respondentlərin təxminən üçdə ikisi hesab edir ki, Vaşinqton problemləri həll etməkdən çox, onları yaradır.
Bununla yanaşı, 57% britaniyalı ABŞ-ın müttəfiqlərini dəstəkləmək əvəzinə onlara çağırış etdiyini düşünür. Etimad göstəricilərində də ciddi azalma qeydə alınıb: əvvəllər böhran vəziyyətlərində ABŞ-a güvənə biləcəyini deyənlərin payı 44% olduğu halda, hazırda 49% bunun mümkün olmadığını bildirir.
Public First təşkilatını rəhbəri Seb Rayda görə, “cəmi bir neçə ay ərzində Britaniya ictimaiyyəti əsas müttəfiqinə olan inamını əhəmiyyətli dərəcədə itirib”.
Qeyd edək ki, sorğu 3–7 aprel tarixlərində Böyük Britaniyada təxminən 2000 nəfər arasında keçirilib və statistik xəta 2 faiz bəndindən çox deyil.
Musavat.com
