"Yuventus" baş məşqçisi Luçano Spalletti ilə müqavilə yeniləyib.
Fanat.Az xəbər verir ki, məlumatı Turin klubunun rəsmi saytı yayıb.
67 yaşlı mütəxəssis müddəti 2028-ci ilin yayına qədər nəzərdə tutulan anlaşmaya qol çəkib. Onun "qoca sinyora" ilə əvvəlki sözləşməsi cari mövsümün sonunda başa çatacaqdı.
Yerli mətbuat Spallettinin hər mövsüm üçün təxminən 6 milyon avro qazanacağını açıqlayıb.
Sözügedən mütəxəssis 2025-ci ilin 30 oktyabrından indiki postundadır. 31 oyuna 57 xal toplayan "Yuventus" A Seriyasının turnir cədvəlində 5-ci pillədə mövqe tutub.
Toğrul
