Dünya bazarında neft kəskin bahalaşıb.
Banco.az xəbər verir ki, ticarət məlumatlarına görə, Londonun ICE birjasında 2026-cı ilin iyun ayı üçün Brent markalı xam neftin fyuçerslərinin qiyməti 9%-dən çox artıb. Bu tendensiya ABŞ prezidenti Donald Trampın Hörmüz boğazının blokadası elan etməsindən və Pakistanda İranla danışıqların uğursuzluğundan sonra yaranıb.
Brent markalı neftin qiyməti 9,11% artaraq barrel üçün 103,87 dollara çatıb. 2026-cı ilin may ayı üçün çatdırılma üçün WTI markalı xam neftin fyuçerslərinin qiyməti 8,57% artaraq barrel üçün 104,85 dollara çatıb.
11 apreldə İran və ABŞ İslamabadda bir neçə danışıqlar raundu keçiriblər. İran nümayəndə heyətinə Parlament sədri Məhəmməd Bağır Qalibaf, Amerika nümayəndə heyətinə isə vitse-prezident J.D. Vens rəhbərlik edib. Daha sonra Tehran və Vaşinqtonda bildirildiyi kimi, tərəflər bir sıra fikir ayrılıqlarına görə münaqişənin uzunmüddətli həlli barədə razılığa gələ bilməyiblər. Mümkün yeni danışıqlar raundunun təfərrüatları hələ də məlum deyil. 12 apreldə Tramp ABŞ və digər donanmaların Hörmüz boğazını blokadaya alacağını elan edib.
