ABŞ Prezidenti Donald Tramp Vaşinqtonun NATO ölkələrinə göstərdiyi maliyyə dəstəyini tənqid edib.
Vətəninfo.az xəbər verir ki, aprelin 13-də jurnalistlərə açıqlama verən Tramp bildirib ki, ABŞ-ın NATO çərçivəsində müttəfiqlərə ayırdığı vəsaitlər həddindən artıqdır. Onun sözlərinə görə, bu xərclər xüsusilə Rusiyadan müdafiə məqsədi ilə əsaslandırılsa da, bu yanaşma artıq inandırıcı görünmür.
“Biz NATO-ya kömək etmək üçün trilyonlarla dollar xərcləmişik. Guya bizi Rusiyadan qorumaq üçün. Mən uzun müddətdir ki, bunun bir qədər gülünc olduğunu düşünürəm”, – deyə Tramp vurğulayıb.
ABŞ lideri həmçinin NATO-dakı mövcud vəziyyətdən narazılığını ifadə edərək, alyans daxilində maliyyə yükünün daha ədalətli bölüşdürülməsinin vacibliyini qeyd edib.
