“Roma” yayda ciddi islahatlara hazırlaşır – ARENA.AZ

A Seriyasında qeyri-sabit çıxışı ilə diqqət mərkəzində olan “Roma” yayda heyətində böyük islahat aparmaq niyyətindədir.

Arena.az xəbər verir ki, “təmizlik” işləri ilə yanaşı bəzi transferlərin də gerçəkləşdiriləcəyi bildirilir.

Vurğulanır ki, plan strateji əhəmiyyət daşıyır, məqsəd, komandaın daha da iddialı kollektivə çevrilməsini təmin etməkdir.

Artıq “canavarlar”ın düşərgəsini tərk edəcək futbolçular da məlum olub. Mövsümün sonunda Artyom Dovbik, Stefan El-Şaaravi, Brayan Saraqosa, Lorentso Venturino, Evan Ferqyuson, Konstantinos Tsimikas və Zeki Çelik klubdan ayrılacaqlar.

“Canavarlar”ın düşərgəsindəki gələcəyi qeyri-müəyyən olaraq qalan futbolçular da var. Belə ki, Paulo Dibala, Devayn Renç, Anxelinyo və Lorentso Pelleqrini ilə bağlı məsələ açıq olaraq qalır.

Paytaxt klubu yayda iki futbolçusunu satmağı da planlaşdırır. Belə ki, fransalı iki oyunçu – yarımmüdafiəçi Manu Kone və müdafiəçi Evan Ndikaya digər klublardan böyük maraq var. Onlarla maraqlanan klubların adları açıqlanmır. Amma yaxşı təkliflər olacağı halda, “Roma” onları satmağa razı olacaq.

Bu arada “Roma”nın baş məşqçisi Can Pyero Qasperini “canavarlar”ın argentinalı hücumçusu Paulo Dibala haqdə qənaətini açıqlayıb. İtalyan mütəxəssisin müvafiq qənaətini təqdim edirik:

“Paulo yüksək səviyyəli hücumçuya gərək olan bütün keyfiyyətlərə malikdir”, deyə Qasperini vurğulayıb.