Bu ilin ilk üç ayında Azərbaycanın xarici ölkələrlə həyata keçirdiyi ticarət əməliyyatlarının ümumi həcmi 9 milyard 407 milyon dollar təşkil edib.
Yeniavaz.com açıqlanan rəsmi məlumatlara istinadən xəbər verir ki, bu göstərici ötən ilin eyni dövrü ilə müqayisədə 21,9 faiz azalma deməkdir.
Hesabata əsasən, xarici ticarət dövriyyəsinin 5 milyard 402 milyon dolları ixracın, 4 milyard 5 milyon dolları isə idxalın payına düşür. Əvvəlki ilin eyni dövrü ilə müqayisədə ixrac 15,4 faiz, idxal isə 29,3 faiz azalıb.
