Ermənistanda körpə qidası ilə bağlı ciddi qərar qəbul edilib.
Redaktor.az xəbər verir ki, Ermənistan Qida Təhlükəsizliyi Müfəttişliyinin məlumatına görə, "Nestle"nin NAN markalı körpə qidasının bir partiyası təhlükəli hesab edilərək məhv edilib.
Qurum bildirib ki, ümumilikdə 9700 kiloqram məhsul utilizasiya olunub.
news.am-ın məlumatına əsasən, bu qərar Rusiyada aparılan laborator analizlərin nəticələrindən sonra verilib. Testlərdə məhsul partiyalarında təhlükəli toksinlərin aşkarlandığı qeyd olunur.
Rəsmilər bildirib ki, istehlakçıların təhlükəsizliyini təmin etmək məqsədilə bu cür məhsulların dövriyyədən çıxarılması davam etdiriləcək.
Aminə ŞAHSUVARQIZI
