Küveyt hökuməti xam neft və neft məhsullarının tədarükü üzrə fors-major rejimi elan edib.
Moderator.az "Bloomberg" agentliyinə istinadən xəbər verir ki, "Kuwait Petroleum" dövlət korporasiyası artıq müştərilərinə müvafiq sənədi göndərib.
Qərar müqavilənin xammalın yüklənməsi üzrə öhdəliklərin müvəqqəti olaraq yerinə yetirilməməsinə icazə verən bəndi əsasında qəbul edilib.
Agentliyin məlumatına görə, Hörmüz boğazının blokadası səbəbindən müqavilə şərtlərinin yerinə yetirilməsi qeyri-mümkün olub. Bununla belə, söhbətin ixracın tamamilə dayandırılmasından getmədiyi dəqiqləşdirilir.
