İran Trampın 8 qadınla bağlı iddiasını təkzib etdi

İranın məhkəmə sistemi ABŞ prezidenti Donald Trampın səkkiz qadının azadlığa buraxılmasını tələb etməsindən sonra ölkənin edam etməyə hazırlaşdığı iddialarını təkzib edib. 

Bakıvaxtı.az xəbər verir ki, rəsmi "Mizan Online" saytı bildirib ki, "Tramp bir daha saxta xəbərlərlə yanıldılıb".

Daha əvvəl Tramp Truth Social-da bu qadınların azadlığa buraxılmasının "danışıqlar üçün əla başlanğıc olacağını" yazaraq, İranın qadınları edam etməyə hazırlaşdığını iddia edən İsrail tərəfdarı fəal Eyal Yakobinin paylaşımını yenidən paylaşmışdı.

Məhkəmə sisteminin açıqlamasında qeyd olunur ki, edamla üzləşdiyi iddia edilən bəzi qadınlar artıq azadlığa buraxılıb, digərləri isə cəzaları qüvvədə qalsa belə, maksimum həbs cəzası ilə nəticələnəcək ittihamlarla üzləşəcəklər.