Ayna portalından alınan məlumata görə, ain.az xəbər verir.
"Gürcüstanın zorakılığın qaranlıq dövrlərinə qayıtmasına icazə verməməliyik"
"Gürcüstan yol ayrıcındadır. Ölkənin gələcəyi hələ yazılmamışdır, lakin qarşıdakı həftələr və aylarda verilən qərarlar Gürcüstanın demokratiya, qanunun aliliyi və insan hüquqlarına əsaslanan Avropa ailəsinin bir hissəsinə çevriləcəyini, yoxsa təəssüf ki, qaranlıq keçmişinə qayıdacağını müəyyən edəcək". AYNA.AZ xarici mediaya istinadən bildirir ki, bu sözləri Avropa İttifaqının (Aİ) Gürcüstandakı səfiri Pavel Qerçinski Brüsseldə "Gürcüstan diqqət mərkəzində" sənədli foto sərgisinin açılışında deyib.
Onun sözlərinə görə, Aİ Gürcüstana namizəd ölkə statusu verərkən seçim edib: "Bu, böyük qürur və sevinc anı idi. O vaxtdan bəri təəssüf ki, Gürcüstan artıq düzgün yolda deyil. Hakimiyyət alternativ model - avtoritarizm - seçib və Gürcüstanı Aİ-dən uzaqlaşdırır".
Qerçinski Gürcüstanın Avropaya inteqrasiya və demokratiya yoluna qayıdacağına ümid etdiyini bildirib.
"Gürcüstan xalqına əsas mesajım budur ki, ümidlərini itirməsinlər. Biz Gürcüstana və gözəl, mehriban və qonaqpərvər gürcü xalqına zorakılıq, vətəndaş müharibəsi, yoxsulluq, məhrumiyyət və korrupsiyanın qaranlıq dövrlərinə qayıtmağa icazə verməməliyik. Bu, onların layiq olduğu gələcək deyil. Hakimiyyət bizimlə əməkdaşlıq etmək istəyini bildirən kimi, Gürcüstanın Aİ-yə üzv olmasına kömək etmək üçün hər şeyi edəcəyik".
Daha ətraflı məlumat və yeniliklər üçün ain.az saytını izləyin.
