Azertag portalından verilən məlumata əsasən, ain.az bildirir.
Bakı, 27 aprel, AZƏRTAC
Azərbaycan Premyer Liqasında XXIX tura yekun vurulub.
AZƏRTAC xəbər verir ki, turun son matçında “Sabah” komandası “Karvan-Yevlax”la qarşılaşıb. Görüş ev sahiblərinin 2:0 hesablı qələbəsi ilə yekunlaşıb.
“Bayquşlar” 72 xalla turnir cədvəlinə başçılıq edir.
Bakı təmsilçisinin ən yaxın izləyicisi “Qarabağ”ın 59 xalı var.
Yevlax klubu isə 14 xalla sonuncu - 12-ci yerdədir.
Günün ilk görüşündə “Turan Tovuz” komandası “Zirə”ni qəbul edib. Tovuz şəhər stadionunda keçirilən qarşılaşma 1:1 hesablı heç-heçə ilə yekunlaşıb.
Turun daha əvvəl reallaşan matçlarında “Sumqayıt” “İmişli”ni (2:0), “Şamaxı” “Kəpəz”i (2:0), “Qarabağ” “Neftçi”ni (5:1) üstələyib. “Qəbələ” – “Araz-Naxçıvan” oyunu heç-heçə başa çatıb - 1:1.
Hadisənin gedişatını izləmək üçün ain.az saytında ən son yeniliklərə baxın.
