25 apreldə ABŞ prezidenti Donald Trampın qatıldığı qəbulda atəş açan Kol Tomas Allen dövlət başçısına sui-qəsd cəhdində ittiham olunaraq ömürlük həbs cəzası ilə üzləşə bilər.
Ucnoqta.az xəbər verir ki, ABŞ Baş prokuroru vəzifəsini icra edən Todd Blanş bunu mətbuat konfransında açıqlayıb.
"Bu gün Ədliyyə Nazirliyi Kolumbiya dairəsindəki federal məhkəmədə Kol Tomas Allenə qarşı üç ittiham irəli sürüb. Birinci ittiham ABŞ prezidentinə sui-qəsd cəhdidir. Bu cinayət ömürlük həbs cəzası ilə üzləşir", - deyə o bildirib.
Onun sözlərinə görə, təqsirləndirilən şəxs ABŞ prezidentinin qatıldığı qəbulda əvvəlcədən otel otağı sifariş etmişdi. Allenin 24-26 aprel tarixlərində orada qalması planlaşdırılırdı.
Bundan əlavə, Baş prokuror hüquq-mühafizə orqanlarının sui-qəsd cəhdinin qarşısını uğurla aldığı fikrini bildirib.
