Kerman əyalətinin İnqilab və Prokurorluq orqanı davam edən münaqişə fonunda rayonda ən azı 101 nəfərin saxlanıldığını açıqlayıb. Rəsmi açıqlamada onların “casusluq, İsrail rejimi ilə əlaqələr, silah və sursat saxlama və daşıma, eləcə də təkfirçi qruplara üzvlük” ittihamları ilə həbs edildiyi bildirilib.
IRNA-nın məlumatına görə, İran İnqilab Keşikçiləri Korpusunun (SEPAH) Kəşfiyyat Təşkilatı ABŞ və İsrailin İrana qarşı hərbi hücumları zamanı Kerman əyalətində 101 nəfəri saxlayıb.
Kermanın Baş Prokuroru və İnqilab Prokuroru bildirib ki, saxlanılanlar arasında 15 nəfər “casusluq”, 19 nəfər “təkfirçi qruplara üzvlük”, 53 nəfər isə silah və sursatla bağlı ittihamlarla həbs edilib.
Məhdi Bəxşi əlavə edib ki, iki nəfər müvafiq qanunun 2-ci maddəsi, 12 nəfər isə 8-ci maddə üzrə saxlanılıb. Bundan başqa, 4 nəfərə “İsrail və düşmən ölkələrlə əməkdaşlıq” ittihamı ilə Espionaj (casusluq) qanununun 6-cı maddəsinə əsasən cinayət işi açılıb.
Açıqlamada saxlanılan şəxslərin kimliyi və harada saxlanıldıqları barədə məlumat verilməyib.
