ABŞ Maliyyə Naziri Skott Bessent İran aviaşirkətlərinə xidmət göstərən xarici şirkətlərin ABŞ sanksiyaları ilə üzləşə biləcəyini bildirib.
Publika.az xəbər verir ki, Bessent “X” sosial media hesabında paylaşım edərək bildirib:
"Xarici hökumətlər öz yurisdiksiyalarındakı şirkətlərin bu təyyarələrə xidmət göstərməməsi üçün bütün zəruri tədbirləri görməlidirlər, o cümlədən reaktiv yanacaq, qida, eniş haqqı və ya texniki xidmətlə bağlı”.
O qeyd edib ki, ABŞ Maliyyə Nazirliyi "İran şirkətlərinə kömək edən və ya onlarla iş görən hər hansı üçüncü tərəfə qarşı tədbir görməkdən çəkinməyəcək".
