Idman.biz portalından verilən məlumata əsasən, ain.az bildirir.
Bizon Azərbaycan Kubokunun yarımfinal mərhələsinin “Qarabağ”la cavab görüşündə (1:0) üz sümüyü sınan “Sabah”ın futbolçusu Coy-Lens Mikelsin durumuna aydınlıq gəlib.
Klubun sözçüsü Elnur Həmidov İdman.Biz-ə bildirib ki, 32 yaşlı oyunçu cərrahi müdaxiləyə ehtiyac duyub.
“O, artıq əməliyyat olunub. Hazırda vəziyyəti stabildir. Zədə ciddi xarakter daşımır və futbolçunun yaxın müddətdə yaşıl meydanlara qayıtması gözlənilir”, - deyə o, açıqlamasında söyləyib.
Qeyd edək ki, Coy-Lens Mikels bu mövsüm “Sabah”ın heyətində keçirdiyi 32 rəsmi matçda 26 qol və 10 məhsuldar ötürmə ilə komandanın ən məhsuldar oyunçularından biri olub.
İlqar Şabanov
İdman.Biz
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
