Dünən Rusiya Prezidenti Vladimir Putin və ABŞ Prezidenti Donald Tramp arasında 1,5 saatdan çox davam edən telefon danışığı baş tutub.
Marja.az əsas məqamları təqdim edir:
- Putin Trampa Qələbə Günü münasibətilə atəşkəs elan etməyə hazır olduğunu bildirib, Tramp isə bunu dəstəkləyib;
- Tramp Putinə Ukraynadakı münaqişənin həlli üzrə razılaşmanın artıq yaxın olduğunu deyib;
- Rusiya Prezidenti bildirib ki, 2025-ci ilin əvvəlindən etibarən Rusiya Ukraynaya 20 mindən çox həlak olmuş şəxsin cəsədini təhvil verib, Ukraynadan isə cəmi 500-dən bir qədər çox cəsəd alıb;
- Ukraynada danışıqlar yolu ilə nizamlanma üçün Volodyimir Zelenski əvvəllər irəli sürülmüş və məlum olan təkliflərə müsbət reaksiya verməlidir;
- Putin Trampa müharibə zonasındakı vəziyyət barədə məlumat verib və Rusiya qoşunlarının qarşı tərəfi sıxışdırdığını bildirib;
- Putin bildirib ki, hərbi əməliyyat məqsədinə çatacaq və Rusiya bunu danışıqlar yolu ilə etməyə üstünlük verərdi;
- Putin və Trump arasında söhbət açıq və işgüzar atmosferdə keçib;
- Putin Trampa ona qarşı həyata keçirilmiş sui-qəsd cəhdi ilə bağlı dəstək sözlərini çatdırıb və bu cinayəti qəti şəkildə pisləyib;
- Putin və Trump münaqişəni uzatmaqda ittiham etdikləri Zelenskinin rəhbərlik etdiyi Kiyev rejiminin davranışını qiymətləndiriblər;
- Putin Trampa mülki obyektlərə qarşı hücumlarda istifadə edilən “tamamilə terrorçu üsullar” barədə danışıb;
- Putin Trampın İran ətrafında atəşkəs rejimini uzatmaq qərarını düzgün hesab etdiyini bildirib və bunun vəziyyətin sabitləşməsinə kömək edəcəyini qeyd edib;
- Tramp Putinə Yaxın Şərqdəki vəziyyətlə bağlı öz qiymətləndirmələrini təqdim edib;
- Putin Trampla söhbətində bildirib ki, İrana qarşı quru əməliyyatı variantı tamamilə qəbuledilməz və təhlükəli olardı;
- Putin Melania Trampa ötən ad günü münasibətilə təbriklərini çatdırıb və onun rus və ukraynalı uşaqların ailələri ilə yenidən birləşməsindəki töhfəsini qeyd edib;
- Putin və Trump iqtisadiyyat və energetika sahələrində qarşılıqlı faydalı layihələrin böyük perspektivlərini müzakirə ediblər;
-Putin və Tramp həm şəxsi səviyyədə, həm də köməkçiləri vasitəsilə əlaqələri davam etdirmək barədə razılığa gəliblər.
XXX
Donald Tramp Vladimir Putin ilə telefon danışığını "çox yaxşı" adlandırıb.
ABŞ lideri Donald Tramp çərşənbə günü Rusiya Prezidenti Vladimir Putinlə baş tutmuş telefon danışığını “çox yaxşı” kimi qiymətləndirib.
“Bizim çox yaxşı söhbətimiz oldu”, – deyə Amerika lideri jurnalistlərlə söhbəti zamanı bildirib.
“Mən düşünürəm ki, Putin Ukrayna böhranının nizamlanmasını istəyir, deyə biləcəyim budur. Və bu yaxşıdır”, – Tramp əlavə edib.
Donald Tramp hesab edir ki, Ukrayna böhranının həlli üçün bir qərar “nisbətən tezliklə” tapıla bilər.
Tramp deyib ki, Ukrayna hərbi baxımdan məğlubiyyətə uğrayıb.
Trumpın sözlərinə görə, Ukrayna məsələsi ilə bağlı ABŞ ilə Avropa ölkələri arasında fikir ayrılıqları qalmaqdadır.
