İranın Zəncan vilayətində partlamamış sursatların zərərsizləşdirilməsi zamanı 14 SEPAH (İslam İnqilabı Keşikçiləri Korpusu) hərbçisi həlak olub, daha 2 nəfər yaralanıb.
Musavat.com xəbər verir ki, bu barədə Iran International SEPAH komandanlığının açıqlamasına istinadən məlumat yayıb.
Məlumata görə, SEPAH-ın Zəncandakı “Ənsar əl-Mehdi” bölməsinin istehkamçı qrupları son ABŞ-İsrail hava zərbələrindən sonra ərazidə qalan partlamamış sursatları müəyyənləşdirib zərərsizləşdirmək üçün bölgəyə daxil olub. Bu zaman güclü partlayış baş verib.
Hadisənin təfərrüatları araşdırılır.
Musavat.com
