Böyük Britaniyanın Baş naziri Keir Starmer BBC-yə verdiyi müsahibədə bildirib ki, Fələstinə dəstək yürüşlərin qadağan edilməsinə dair, xüsusən də intifadanın (ərəb azadlıq hərəkatı — red.) yayılmasına qarşı çağırışları haqlı sayıb.
Teleqraf xəbər verir ki, Starmer bir sıra antisemit hadisələrdən, o cümlədən bu həftə Şimali Londonun böyük bir yəhudi icmasının yaşadığı Golders Green ətrafında iki kişinin bıçaqlanmasından sonra hərəkətə keçmək məcburiyyətində qaldıqlarını deyib.
Həyat yoldaşı yəhudi əsilli olan Britaniya Baş naziri bildirib ki, bir çox yəhudi ona etirazlardan təsirləndiklərini deyiblər.
"Mən söz azadlığının və dinc etirazların böyük tərəfdarıyam. Lakin "intifadanı qloballaşdırın" kimi şüarlar səsləndirildikdə, bu, tamamilə qəbuledilməzdir. Bu baxımdan daha güclü tədbirlərin görülməsi lazım olduğu aydındır", - deyə Britaniya Baş naziri bildirib.
İntifada 1987-ci ildən 1993-cü ilə qədər və 2000-ci illərin əvvəllərində Fələstin xalqının İsrailə qarşı üsyanlarını ifadə edir.
Starmer yürüşlər zamanı istifadə olunan şüarlar üzərində daha sərt nəzarətin olmasını istədiyini və bəzi etirazların tamamilə dayandırılmasının vaxtı olduğunu bildirib.
Starmer bildirib ki, Böyük Britaniyadakı yəhudi icması bəzi şüarı çox təhlükəli hesab edir.
Böyük Britaniya cümə axşamı təhlükəsizlik səviyyəsini ikinci ən yüksək səviyyəyə qaldırıb. Bu, qismən Qolders Qrin şəhərində baş verən terror aktı, eləcə də "islamçı ekstremizm və ifrat sağçıların təhdidi" səbəbindən baş verib.
