ain.az, futbolpress-az portalına istinadən məlumatı açıqlayır.
Misli Premyer Liqasının XXX turunun “Zirə” – “Qəbələ” oyunundan (1:0) sonra qonaq komandanın baş məşqçisi Kaxaber Sxadadze jurnalistlərin suallarını cavablandırıb.
Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb:
– “Zirə”ni təbrik edirəm, Rəşad Sadıqov möhkəm komanda yaradıb. Oyuna gəlincə, yaxşı hazırlaşmışdıq. Pressinq etdik, qol vəziyyətləri yaratdıq. Sadəcə əsas problemimiz – son fazada dəqiqlik çatmamasıdır. Bunun üzərində çox çalışırıq, amma alınmır. Bu gün də bəsit qol buraxdıq. “Zirə”nin fərqlənənə qədər bir epizodu olmuşdu. Sona qədər mübarizə aparmalıyıq, qarşıda üç oyunumuz var. Bu vəziyyətdən çıxa bilərik. Azarkeşlərimizə təşəkkür edirik, amma təəssüf ki, onları sevindirə bilmədik.
– Qol epizodlarını dəyərləndirə bilməməyiniz nəylə bağlıdır?
– İlk növbədə psixoloji amil var. Futbolçu özünə inamlı olanda, düzgün də addım atır. Eyni zamanda, keyfiyyət də mühüm rol oynayır.
– Növbəti oyunlardan gözləntilər nələrdir?
– Xallar qazanmaq lazımdır, ancaq bu haqda düşünürük.
Şahin Cəfərov
Hadisənin gedişatını izləmək üçün ain.az saytında ən son yeniliklərə baxın.
