ABŞ Prezidenti Donald Trampın narazılıq reytinqi rekord 62%-ə çatıb.
Ucnoqta.az xəbər verir ki, bu nəticəyə The Washington Post üçün Ipsos tərəfindən aparılan sorğu əsasən gəlinib.
Nəşr qeyd edir ki, Trampın iki prezidentlik müddəti ərzində bu qədər yüksək narazılıq səviyyəsi heç vaxt müşahidə olunmayıb. Xüsusilə, amerikalılar liderlərinin İranla bağlı hərəkətlərindən narazıdırlar (66% əleyhinə və 33% lehinə).
Bundan əlavə, ABŞ sakinləri ölkənin iqtisadi vəziyyətindən narazıdırlar. Məsələn, respondentlərin 76%-i yaşayış xərclərinin yüksəkliyindən şikayət edib. Lakin respondentlərin 45%-i prezidentin immiqrasiya siyasəti ilə bağlı işini müsbət qiymətləndirib.
Sorğu 24-28 aprel tarixləri arasında keçirilib və 2500-dən çox respondent iştirak edib.
