Abşeronun Mehdiabad qəsəbəsində - Fatimeyi Zəhra Məscidinin yaxınlığındakı qəbiristanlıqdan tapılan 2 yaşlı uşağın valideynlərinin kimliyi müəyyənləşib.
Redaktor.az “Qafqazinfo”ya istinadla xəbər verir ki, azyaşlının valideynləri artıq tapılıb.
Hazırda aidiyyəti dövlət qurumları ilə birgə polis əməkdaşları tərəfindən müvafiq tədbirlərin görülməsi təmin edilir.
Qeyd edək ki, ötən gün Azərbaycan Uşaqlar Birliyinin sədri Kəmalə Ağazadə məscidin yaxınlığında 2 yaşlı uşaq tapılması barədə məlumat yayılmışdı.
