Bizimyol saytından verilən məlumata əsasən, ain.az məlumatı açıqlayır.
“Apple” süni intellekt imkanlarını genişləndirmək məqsədilə qeyri-adi bir məhsul üzərində işləyir.
“Bloomberg”in məşhur insayderi Mark Gurman bildirir ki, şirkətin kameralı "AirPods" modeli artıq erkən kütləvi istehsal mərhələsinə yaxınlaşıb. Hazırda bu prototiplər "Apple" daxilində seçilmiş istifadəçilər tərəfindən aktiv şəkildə sınaqdan keçirilir.
Yeni "AirPods" modelində nəzərdə tutulan kameraların məqsədi foto və ya video çəkmək deyil. Əsas funksiyanın ətraf mühitdən vizual məlumat toplamaq və onu Siri ilə inteqrasiya etmək olduğu bildirilir. Məsələn, istifadəçi masadakı ərzaqlara baxaraq "AirPods" vasitəsilə Siri-yə “bunlardan nə bişirə bilərəm?” sualını verə biləcək. Sistem aşağı keyfiyyətli görüntünü analiz edərək uyğun cavab təqdim edəcək. Eyni zamanda bu texnologiyanın naviqasiya zamanı istiqamət müəyyənləşdirmə kimi funksiyalarda da istifadə olunacağı qeyd edilir.
Dizayn baxımından yeni modelin "Apple AirPods Pro" seriyasına bənzəyəcəyi gözlənilir. Lakin kameraların yerləşdirilməsi səbəbindən qulaqlığın sap hissəsinin bir qədər daha uzun olacağı bildirilir. Cihazda həmçinin kiçik LED indikator da yer alacaq. Bu işıq istifadəçiyə vizual məlumatların bulud sisteminə ötürüldüyünü göstərəcək.
İlkin planlara görə, "Apple" bu modeli 2026-cı ilin ilk yarısında təqdim etməyi nəzərdə tuturdu. Lakin yeni Siri sistemində yaranan gecikmələr səbəbindən təqdimat tarixində dəyişiklik edilib. Hazırda yenilənmiş Siri sisteminin sentyabr ayında istifadəyə verilməsi gözlənilir. Buna görə də kameralı "AirPods" qulaqlığının da həmin dövrdə təqdim olunacağı ehtimal edilir.
"Apple"ın süni intellekt əsaslı yeni cihaz strategiyası şirkəti "Meta" Platforms ilə birbaşa rəqabətə gətirir. "Meta" artıq ağıllı eynəkləri ilə bazarda ciddi uğurlar əldə edib. Digər tərəfdən, "OpenAI" şirkətinin də Sİ yönümlü smartfon üzərində işlədiyi iddia olunur. Verilən məlumata görə, "Apple" gələcəkdə ağıllı eynəklər və Sİ əsaslı boyun aksesuarları üzərində də işləyir və bu məhsulların 2027-ci ildə təqdim olunması planlaşdırılır.
Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
