Azərbaycan Region Liqasında cari mövsümün qalibləri gələn həftə bəlli olacaq.
Fanat.Az-ın əldə etdiyi məlumata görə, artıq mükafatçıların bəlli olacağı yer və vaxt müəyyənləşib.
Həm final, həm də 3-cü yer uğrunda matç mayın 18-də Şamaxıda baş tutacaq.
Bürünc medal uğrunda "Biləsuvar" ilə "Şəfəq" üz-üzə gələcəklər. Oyun saat 11:00-da başlayacaq.
Finalda isə "Zəngəzur" ilə "Marafon" qarşılaşacaqlar. Saat 16:00-da start götürəcək qarşılaşmanın ardından qaliblər mükafatlandırılacaqlar.
Qeyd edək ki, ötən mövsüm Region Liqasının qalibi hazırda II Liqada çıxış edən "Şirvan" olub.
MiraÄŸa
