Amerikalı maliyyəçi Ceffri Epşteyn ilə bağlı işin araşdırılması üzrə Norveç komissiyası xərclər üçün 22 milyon Norveç kronu (təxminən 2,4 milyon dollar) alacaq.
Ölkə.az Valyuta.az-a istinadən xəbər verir ki, komissiyaya "Dagens Næringsliv" qəzetinin keçmiş baş redaktoru və baş direktoru Amund Cuve rəhbərlik edəcək.
Komandaya, digərləri ilə yanaşı, sədr müavini vəzifəsini tutacaq hakim Kyersti Buun Nyuqaard, Norveç Müdafiə Kəşfiyyat Xidmətində iş təcrübəsi olan vəkil Huqo-A. B. Munte Kaas, İsveç diplomatı və baş məsləhətçi Aksel Vernhoff daxil olacaq.
Aprel ayında Norveç parlamenti bu komissiyanın yaradılmasını təsdiqləyib.
İş üzrə yekun hesabatın 2028-ci il yanvarın 31-dək təqdim edilməsi planlaşdırılır.
